GEGURITAN

Geguritan Jayapranane karipta tahun 1664 saka ( 1742 M ), matembang pupuh Ginada. Geguritan Jayapranane, dados babos karya seni teosan : seni lukis, lelampahan Arja, lelampahan drama panggung, lelampahan drama gong, muah lelampahan Sendratari, lelampahan film.

PUPUH GINADA

     1.   I Jayaprana manyembah,

           Sampun ko titiang ngalingling,

           Wenten asiki kemaon,

           Tuhu rupan yane ayu,

           Kocap pianak De Bendesa,

           Uli kangin,

           Magenah ring banjar sekar. 
      2.    Anake agung ngandika,

            Buin pidan melah ngambil?

            De Sengguhu matur alon,

            Kocap malih wulu liku,

            Anggara Manis Kuningan

            Lintang becik,

            Sasih Kapitu irika.

3.     Prebekele saur sembah,

      Prebekele I Saunggaling,

      Wiakti nika ne kebaos,

      Dina sasih pada ayu,

      Anake agung manyurat,

      Lingging tulis,

      Maman Bendesa kanginan
4.  Aku ngandika ken maman,
     Apang suka maman nampi,
     Pianak Maman Ni Nyoman,
     Ia jani idih Ayu,
     Apang suka Maman,
     Pianak kalih,
     Tekening I Jayaprana. 
5.    Di Kapitune kajuang,

     Buin wulu likur jani,

     Apang de Maman kemengan,

     Ceririne suba munggah,

     Sampun usan ida nyurat,

     Linging tulis,

     Kadi arep ya kocapan.

    6.        I Jayaprana kapica, 
           Raris manunas mapamit,
           Tumuli majalan reko,
           Manganginang lampah,
           Tan kocapan ia dijalan,
           Sampun prapti,
           Kangin di banjaran Sekar.

7.      Ngojog kumah De Bendesa,

     I Jayaprana mangraris,

     De Bendesa lanang wadon,

     Maderek sareng malungguh,

     Pianaknyane ia di tengah,

     Saget prapti,

     Parekan I Jayaprana
8.     Ni Layonsari kacingak,
     Laut masawang ke bilbil,
     Tumuli tuun maserot,
     Yeh matane deres pesu,
     Mulihan ngubet jalanan,
     Laut ngeling,
     I Jayaprana menekan.