Awig-Awig Seka Truna
Om Awignamastu Nama Sidham
Madasar antuk manah susrusa suci nirmala tanpa leteh, sembah pangubhaktin titiang Seka Truna Satmacita, ring yun Ida Sang Hyang Widhi Wasa, sane ngawiwenang ring jagate saka lalaniskala. Wantah sayu wakti, ngumanti saking pasuecan Ida ngicenin sinar waranugraha, prasida anggen titiang maka sasuluh, ngamolihang ambah pamargi sajeroning ngrajegang seka truna satma cita banjar Kelandis, Desa adat Pagan.
Seka Truna Satma Cita, wewidangan Banjar Kelandis, desa adat Pagan, desa Sumerta kauh, Kecamatan Denpasar Timur, duk tanggal 15 Juli 1987, ring Banjar Kelandis, Giliksaguluk saha susrusa ngamanggehang awig-awig sane witipun maran anggaran dasar lan anggaran rumah tangga Seka Truna Truni Satma Cita, sakadi ring cakepan alit puniki. Awig-awig puniki maka panuntun warga Seka Truna Satma Cita sinamian mangda mangguhang Dharma Prakerti malarapan antuk Pancasila, Undang-undang Dasar, 1945 miwah sagiliksaguluk, paras-paros sarpanaya, salungling sabayantaka, saling asah saling asuh, astiti yembar darma agama.
Asapunika pangastin titiang sakataning warga seka truna satma cita, wit saking raksa rumaksa paras-paros sajeroning ngingkupang pakayunan, bebaosan miwah pangalaksana ngarcana awig-awig puniki maka sepat siku-siku pamargin sena.
Dumadak ngamangguhang kejagat hitan.
Kelandis, 15 Juli 1995
Prajuru Seka
